GA NHPAW
(Malaysia Jinghpaw Wunpawng Bawngring 
Hkristan Hpung) ngu ai gaw, Malaysia du Jinghpaw Wunpawng myusha ni yawng Karai Kasang a mying ningsang hpe tinang a ga si ga ngau ni hte nan Laban shani shagu nawku dawjau lu ai a marang e, wenyi machye machyang lam hta su hprang kung kyang galu kaba wa lu ai zawn, kaga lam shagu hta mung bawngring rawt jat wa lu na matu ngu nna November 03, 1996 shani gaw de hpaw hpang wa ai nawku hpung rai nga ai.Nawku hpung hku nna garan ginhka ai lam tsep kawp n-galaw ga ai. Nang ngai Jinghpaw Wunpawng myusha kadai rai timung, Malaysia mungdan hta du nga ai aten hta Jinghpaw Wunpawng 'ga' hte Karai Kasang hpe wang lu wang lang nawku dawjau lu na matu rai nga ai.
NINGNAN HPAW HPANG WA AI LAM
Mungkan dinghta Malaysia mungdan hta 1993-1996 ning grup yin hkan kaw nna du nga ai Jinghpaw Wunpawng myu sha ni a jahpan hpe yu ga nga yang, lata layung daw hti dang sha naw rai nga ai. Rai tim, Karai Wa a chyeju gawp e, Saranum Winnie Zanhta gaw Kuala Lumpur Baptist Church (KLBC) a daw shan rai nga ai Malaysia Myanmar Christian Fellowship (MMCF) a pastor hku nna Karai Wa a magam hpe gun hpai let, Jinghpaw Wunpawng myusha ni hpe mung lam shagu hta lam madun makawp maga lai wa ai lam ni a majaw, anhte Malaysia du Jinghpaw Wunpawng myusha ni mung myi man n-kaji ra ai sha shamu shamawt hkawm sa nga lai wa lu saga ai.
Rai tim, 1996 ning February shata hta gaw anhte Malaysia du Jinghpaw Wunpawng sha ni a matu lam shagu hta kanu kawa tai ya nga ai Saranum Winnie Zanhta mung, lam amyu myu a majaw, Myenmung de gan wa mat ra ai kaw nna gaw, anhte Jinghpaw Wunpawng sha ni mung kanu kawa n-lu ai chyahkrai n-mai amyu ni zawn, ‘kam hpa na kanu kawa mung n-lu, shingbyi na shingbyi shara mung nmu’ rai nga let, kadai mung kadai chye ai hku wam wam dam dam rai nna bra a-yai hkawm mat ra ai madang de du lai mat wa saga ai. Lam mi hku tsun ga nga yang, ‘lam shagu hta makawp maga ya na kanu kawa ngu ai n-lu ai anhte Malaysia du Jinghpaw Wunpawng sha ni hpe matsan dum lam woi makawp maga la na kaga kadai mung nnga a hka!’ ngu ai lam hpe tatut hkam sha nga lai wa ra saga ai.
Ndai lam ni hpe tatut hkam sha jin nga sai Wunpawng sha ni gaw, 1996 ning ka-ang hkan kaw nna shada da hkrum zup hkat lu ai aten ni hta ‘Wunpawng myusha ni yawng Karai Wa hta myit mang langai sha hte kahkyin gumdin nga let, Karai Wa a ninghtoi hpe Kachin ngu ai shingteng amying hte jawm jahtoi lu ai amyu byin tai wa lu na matu hte nawng, myusha ni yawng a matu kanu kawa tai ya let kaga lam shagu hta mung sharawt shatsaw karum madi shadaw lam woi sa wa lu na matu, gara hku ladat hte jawm gaw gap sa wa yang mai na’ ngu ai lam ni hpe jawm myit, jawm bawngban jahkrup nga lai wa sai lam mung rai nga ai.
Karai Kasang a shaman chyeju san san a majaw, October 28, 1996 shana hta Lama Brang Awng hte Hpaulu gun Awng gaw, 90A nta (Jalan Hicks, Bukit Bintang) kaw Karai Kasang shadut shahkat ai hte maren Karai Wa kaw akyu hpyi ap nawng let, gaw gap sa wa na masing lam ni hpe jawm myit yu yang, ga baw hku nna Jinghpaw Wunpawng Bawngring Hkristan Hpung ngu na lam hpe Karai Wa hpaw ya sai hte maren hpung a ga baw hpe myit la lu sai. Dai hpang, hpung hpe kaja wa tatut (tara shang) gaw gap shabyin shatai let Karai Wa kaw akyu hpyi ap nawng ai lam hpe, lawu de mying lawm nga ai Jinghpaw Wunpawng shayi shadang sha ni marai (7) kaw nna, November 03, 1996 shana de 3:30 P.M. tup hta 90A nta kaw galaw la lu sai a marang e, Jinghpaw Wunpawng Bawngring Hkristan Hpung ngu ai n-li tum hpe Malaysia mungdan hta gat hkai jahkrat dat lu sai lam rai nga ai.
(Tara shang) Shawng nnan gaw gap shabyin shatai let Karai Wa kaw akyu hpyi ap nawng ai
kaw shang lawm ai ni gaw
(1) Slg Lama Brang Awng
(2) Slg Hpau Lu Gun Awng
(3) Slg Nwawt Hkun Seng
(4) Slg N hkum Peter La Htun
(5) Slg Jan Hpe Ram Hkawn Sar
(6) Slg Jang Ma Awng Li
(7) Slg Myi Tung Yaw San
LABAN SHANI SHAGU NAWKU DAWJAU HPANG WA AI LAM
Ningnan hpang wa ai aten hta, nawku shara n-lu ai majaw, myu Wunpawng sha ni shanu shingbyi nga ai dum nta ni hta gali galai sa du nawku hkawm hkawm rai lai wa saga ai. Rai tim, Karai Kasang a chyeju a majaw, 1999 ning grup yin hkan nna gaw Saranum Winnie Zanhta e lam madun lajang ya ai a majaw, KLBC a daw shan rai nga ai MMCF a n-pu e shata mi hta Laban lani mi nawku dawjau lu na ahkaw ahkang hpe hkam la lu ga ai.
Ndai zawn, maigan mungdan hta anhte Wunpawng sha ni yawng myit mang langai sha hte tinang a myu ga hte Karai Kasang hpe nawku dawjau lu na matu gaw gap sa wa ai lam hta (i) Nawku shara yak hkak ai lam, (ii) Masha amyu ni a jahpoi asawng hkrum ai lam, (iii) Tinang myusha shada da jahpoi asawng ai lam, etc., amyu myu hte ruyak jamjau ai lam ni law law hpe Madu Yesu Hkristu hte rau hkawm sa awng dang tawt lai lu ai lam mung rai nga ai. Dai zawn, Karai Kasang gaw anhte Wunpawng sha ni hpe n-gun a-tsam jaw, lam woi madun lai wa ai a majaw, anhte myusha ni yawng mung myit mang hkrum let jawm shakut shaja nga lu ai a marang e, dai Malaysia Jinghpaw Wunpawng Bawngring Hkristan Hpung ngu ai n-li tum gaw lani hte lani tu prut rawt jat galu kaba ngang kang grin nga wa sai lam mung rai nga ai.
2005 ning July shata praw (17) ya shani hta galaw la lu ai HPUNG SHAWA HPAWNG a marang e, August shata praw (14) ya shani kaw nna gaw Laban shani shagu Jinghpaw Wunpawng ga hte Karai Kasang hpe nawku dawjau ai lam hpe, `Hpung Nta' ngu nna shap tawn da ai Flat langai mi hta, galaw hpang wa lu saga ai.
BETHEL BAPTIST CHURCH HTA NAWKU HPANG WA AI LAM
Hkristan Hpung) ngu ai gaw, Malaysia du Jinghpaw Wunpawng myusha ni yawng Karai Kasang a mying ningsang hpe tinang a ga si ga ngau ni hte nan Laban shani shagu nawku dawjau lu ai a marang e, wenyi machye machyang lam hta su hprang kung kyang galu kaba wa lu ai zawn, kaga lam shagu hta mung bawngring rawt jat wa lu na matu ngu nna November 03, 1996 shani gaw de hpaw hpang wa ai nawku hpung rai nga ai.Nawku hpung hku nna garan ginhka ai lam tsep kawp n-galaw ga ai. Nang ngai Jinghpaw Wunpawng myusha kadai rai timung, Malaysia mungdan hta du nga ai aten hta Jinghpaw Wunpawng 'ga' hte Karai Kasang hpe wang lu wang lang nawku dawjau lu na matu rai nga ai.NINGNAN HPAW HPANG WA AI LAM
Mungkan dinghta Malaysia mungdan hta 1993-1996 ning grup yin hkan kaw nna du nga ai Jinghpaw Wunpawng myu sha ni a jahpan hpe yu ga nga yang, lata layung daw hti dang sha naw rai nga ai. Rai tim, Karai Wa a chyeju gawp e, Saranum Winnie Zanhta gaw Kuala Lumpur Baptist Church (KLBC) a daw shan rai nga ai Malaysia Myanmar Christian Fellowship (MMCF) a pastor hku nna Karai Wa a magam hpe gun hpai let, Jinghpaw Wunpawng myusha ni hpe mung lam shagu hta lam madun makawp maga lai wa ai lam ni a majaw, anhte Malaysia du Jinghpaw Wunpawng myusha ni mung myi man n-kaji ra ai sha shamu shamawt hkawm sa nga lai wa lu saga ai.
Rai tim, 1996 ning February shata hta gaw anhte Malaysia du Jinghpaw Wunpawng sha ni a matu lam shagu hta kanu kawa tai ya nga ai Saranum Winnie Zanhta mung, lam amyu myu a majaw, Myenmung de gan wa mat ra ai kaw nna gaw, anhte Jinghpaw Wunpawng sha ni mung kanu kawa n-lu ai chyahkrai n-mai amyu ni zawn, ‘kam hpa na kanu kawa mung n-lu, shingbyi na shingbyi shara mung nmu’ rai nga let, kadai mung kadai chye ai hku wam wam dam dam rai nna bra a-yai hkawm mat ra ai madang de du lai mat wa saga ai. Lam mi hku tsun ga nga yang, ‘lam shagu hta makawp maga ya na kanu kawa ngu ai n-lu ai anhte Malaysia du Jinghpaw Wunpawng sha ni hpe matsan dum lam woi makawp maga la na kaga kadai mung nnga a hka!’ ngu ai lam hpe tatut hkam sha nga lai wa ra saga ai.
Ndai lam ni hpe tatut hkam sha jin nga sai Wunpawng sha ni gaw, 1996 ning ka-ang hkan kaw nna shada da hkrum zup hkat lu ai aten ni hta ‘Wunpawng myusha ni yawng Karai Wa hta myit mang langai sha hte kahkyin gumdin nga let, Karai Wa a ninghtoi hpe Kachin ngu ai shingteng amying hte jawm jahtoi lu ai amyu byin tai wa lu na matu hte nawng, myusha ni yawng a matu kanu kawa tai ya let kaga lam shagu hta mung sharawt shatsaw karum madi shadaw lam woi sa wa lu na matu, gara hku ladat hte jawm gaw gap sa wa yang mai na’ ngu ai lam ni hpe jawm myit, jawm bawngban jahkrup nga lai wa sai lam mung rai nga ai.
Karai Kasang a shaman chyeju san san a majaw, October 28, 1996 shana hta Lama Brang Awng hte Hpaulu gun Awng gaw, 90A nta (Jalan Hicks, Bukit Bintang) kaw Karai Kasang shadut shahkat ai hte maren Karai Wa kaw akyu hpyi ap nawng let, gaw gap sa wa na masing lam ni hpe jawm myit yu yang, ga baw hku nna Jinghpaw Wunpawng Bawngring Hkristan Hpung ngu na lam hpe Karai Wa hpaw ya sai hte maren hpung a ga baw hpe myit la lu sai. Dai hpang, hpung hpe kaja wa tatut (tara shang) gaw gap shabyin shatai let Karai Wa kaw akyu hpyi ap nawng ai lam hpe, lawu de mying lawm nga ai Jinghpaw Wunpawng shayi shadang sha ni marai (7) kaw nna, November 03, 1996 shana de 3:30 P.M. tup hta 90A nta kaw galaw la lu sai a marang e, Jinghpaw Wunpawng Bawngring Hkristan Hpung ngu ai n-li tum hpe Malaysia mungdan hta gat hkai jahkrat dat lu sai lam rai nga ai.
(Tara shang) Shawng nnan gaw gap shabyin shatai let Karai Wa kaw akyu hpyi ap nawng ai
kaw shang lawm ai ni gaw
(1) Slg Lama Brang Awng
(2) Slg Hpau Lu Gun Awng
(3) Slg Nwawt Hkun Seng
(4) Slg N hkum Peter La Htun
(5) Slg Jan Hpe Ram Hkawn Sar
(6) Slg Jang Ma Awng Li
(7) Slg Myi Tung Yaw San
LABAN SHANI SHAGU NAWKU DAWJAU HPANG WA AI LAM
Ndai zawn, maigan mungdan hta anhte Wunpawng sha ni yawng myit mang langai sha hte tinang a myu ga hte Karai Kasang hpe nawku dawjau lu na matu gaw gap sa wa ai lam hta (i) Nawku shara yak hkak ai lam, (ii) Masha amyu ni a jahpoi asawng hkrum ai lam, (iii) Tinang myusha shada da jahpoi asawng ai lam, etc., amyu myu hte ruyak jamjau ai lam ni law law hpe Madu Yesu Hkristu hte rau hkawm sa awng dang tawt lai lu ai lam mung rai nga ai. Dai zawn, Karai Kasang gaw anhte Wunpawng sha ni hpe n-gun a-tsam jaw, lam woi madun lai wa ai a majaw, anhte myusha ni yawng mung myit mang hkrum let jawm shakut shaja nga lu ai a marang e, dai Malaysia Jinghpaw Wunpawng Bawngring Hkristan Hpung ngu ai n-li tum gaw lani hte lani tu prut rawt jat galu kaba ngang kang grin nga wa sai lam mung rai nga ai.
2005 ning July shata praw (17) ya shani hta galaw la lu ai HPUNG SHAWA HPAWNG a marang e, August shata praw (14) ya shani kaw nna gaw Laban shani shagu Jinghpaw Wunpawng ga hte Karai Kasang hpe nawku dawjau ai lam hpe, `Hpung Nta' ngu nna shap tawn da ai Flat langai mi hta, galaw hpang wa lu saga ai.
BETHEL BAPTIST CHURCH HTA NAWKU HPANG WA AI LAM
Karai Wa a shaman chyeju san san a majaw, Bethel Baptist Church lithkam myitsu ni hte September 25, 2005 (Sunday) jahpawt hta e, sa du hkrum shaga la lu ai ga ai zawn, ‘anhte Kachin myusha ni mung anhte a Kachin Language hte nan Laban shani shagu Karai Kasang hpe nawku dawjau mayu ga ai re majaw, anhte myusha ni hpe naw shara jaw karum madi shadaw la irt’ ngu nna karum hpyi tang shawn da lu saga ai. Ndai lam hte seng nna, MBC Amu Madu Rev. Ronnie Chiu mung aja awa madi shadaw ya ai lam a marang e, December 11, 2005 (Sunday) shani kaw nna gaw Laban shani shagu dai Bethel Baptist Church hta nawku dawjau hpang wa lu sai lam rai nga ai.
