Kam Sham Ai Ngu Ai

MKBC MUNGGA
Ga Baw : Kam Sham Ai Ngu Ai
Chyum Lai Ka : Yaku 2:14-26
Nhtoi : 11th March,2007

Makam masham hta magam bungli lawm ra ai.Kam sham ai hte maren hkan sa galaw ai lam hpe ngu mayu ai.
Dai ni anhte Kam ai lam hpa rai ta..?Karai Kasang anhte hpe hkye hkrang la sai ngu ai rai nga ai.Yubak kaw na, Si ai lam kaw na hkye hkrang la sai. Yesu hkristu si hkam ai a marang e hkye hkrang la hkrum ga ai.Htani htana asak gaw anhte a matu rai nga ai.
Anhte a madang (standard) gaw,yubak lu ai ,si ra ai ngu ai kaw na,yubak nlu sai,ding hpring sai, htani htana ahkrung nga lu sai,ngu ai hta dai ni rai nga sai re.Madu Yesu hpe kam hpa manoi manat yang hkrung ai asak hpe lu la ai.(Yawhan 3:16,6:47,10:28,1Yawhan 5: 12,13)
Kam Sham ai ni hpe Karai Kasang gaw htani htana asak a matu ga sadi tawn da ya ai.shi a ga sadi mung ngang kang ai.Karai Kasang gaw ga sadi dung ai wa re majaw shi aga sadi ni hpe mung kam hpa ging ai.(Heb 10:22,23)
Karai Kasang gaw Yesu Hkrisstu hku nna hkye la ai magam bungli hpe galaw wa ai kam sham ai ni yawng lu la ai.Yesu Hkristu si hkam ai hku nna,kam sham ai ni yubak mara hpe madu raw dat ya ai.Karai Kasang hte htinglu htinglai na ahkang lu la ai.
Dai Kam Sham ai ni hpe Karai Kasang gaw Hkristu hta a nga nga ai ni hku nna hkap la ai.(Rom 3:24,25)
Karai Kasang a kashu kasha hku lata la ai.Krai Kasang a pawt sindawng ai kaw na lawt lu ai the,htawm hpang hta Yesu Hkristu hte rau hkum tsup ai shaman chyeju ni hpe hkam la na matu Karai Kasang lajang da ya ai.(Rom 8:29,30)Kam Sham ai ni hpe Karai Kasang a tsaw ra ai myit kaw na kadai mung n jahka kau luai.(Rom 8:35-39)Chyoi pra ai Wenyi hpe lu la ai.Dai choi pra ai Wenyi gaw anhte kam sham ai ni yawng hpe Karai Kasang madu nga ai lam sakse hkam ya ai.


Dai majaw,anhte galaw ra ai lam ni gaw,
(1). Karai Kasang hpe madat mara mayu ai myit rawng ra ai.(Yawhan 2:3-6)
(2). Yubak hpe dang kau ra ai(1Yawhan 3:4-10,19-21)
(3). Karai Kasang a tara hpe tinang a sak hkrung lam hta chye na hkawn hkrang ra
ai .(Heb 12:5-8)
(4). Kaga ni hpe tsaw ra ra ai.(1Yawhan 3:14,15)
(5). Karai Kasang hte mungga hpe grau grau chye mayu ai myit rawng ra ai.(1Petru 2:2,
3)
(6). Kam sham ai lam hta matut manoi shakut shaja gun hpai ra ai.(1Petru 1 :6-9)
Dai hte maren kam sham ai ni a asak hkrung lam hta,galai shai wa ai kasi kamang n
Lawm ai sha hkye hkrang la ai lam hpe myit hkut sai ngu tsun ai ni gaw,tinang hkum
Hpe masu ai ni sha rai nga ai.(1Yawhan 2: 4,9-11,3:10)
Kam sham sai ngu ai makam hte maren,ta tut sak hkrung hkan sa galaw ra nga ai.
Anhte a sak hkrung lam gaw anhte hpa hpe kam sham nga ai hpe madun dan nga ai.

Rev.Pausa Gam Hpang
Malaysia Kachin Baptist Church

Karai Kasang Ra Ai Hpa

MKBC MUNGGA

Ga Baw : Karai Kasang Ra Ai Hpa .

Chyum Ga : Yona 3:1-10
Rev. Pausa Gam Hpang --Yona Laika Ginchyum ,

Karai Kasang gaw Yona hpe Niewe mare de shangun dat nna, mare masha ni myit malai na matu sa shangun ai.Raitim,Yona gaw n madat ai sha,Tashu de hprawng mat ai.Yona jawn ai shanghpaw li laru kaba hkrum nna,kanoi lup ai.Yona hpe panlai de kabai bang kau ma ai.shaloi laru sim mat ai.Yona hpe ang kaba langai mayu kau ai.Nga kan kata e Yona (3)ya rawng mat ai.Myit malai na akyu hpyi ai majaw, Nga kan kaw na lawt lu ai.

Dai hpang Ninewe mare de sa na matu (2)lang ngu na Karai Kasang shangun ai.Yona mung sa hkaw tsun sai.Yona hkaw tsun ai the maren ,Ninewe masha ni myit malai let,Karai Kasang hpe hpyi nem tawngban ai.Karai Kasang a ari kaw na lawt lu sai.
Karai Kasang Niewe mare hpe n jahten ai majaw,Yona grai pawt ai. Karai Kasang gaw shi a n-gaw nwai matsan dum lama ai tsaw ra myit hpe Yona hpe sharing ya ai.
Karai Kasang Ra Ai Hpa

Yona laika kaw na sharing la lu ai lam ……
(1). Karai Kasang gaw mungkan hpe hpan da ai wa re.
(2). Karai Kasang gaw mungdan shagu hpe jum tek da ai wa re.
(3). Shi matsan dum mayu ai wa hpe matsan dum ai lam madun dan ai.
(4). Karai Kasang gaw Israela a Karai Kasang sha n rai,masha amyu bvaw shagu a Karai
Kasang rai nga ai.
(5). Ninewe masha ni myit malai ai hpe Karai Kasang tsaw ra ai.Maga mi de,Israela ni a
baw ja ai lam gaw,Ninewe masha ni a myit malai ai the nhtan shai nga ai.
(6). Karai Kasang a tsaw ra matsan dum ai lam hpe anhte ni a lang lang hkam sha lu sa
ga ai.Dai hte maren,anhte shada dai zawn tsaw ra matsan dum chye ra na ga ai.
(7). Karai Kasang gaw num,la kadai hpe mung hten za mat na hpe nra sharawng ai.Dai
hte maren ,anhte mung dai zawn re myit jasat rawng ra ai.
(8). Myit malai ai lam hte mara dat ya ai lam hpe Karai Kasang sharawng awng ai hte
maren,anhte mung sharawng awng ra ai.
(9). Karai Kasang gaw nga yawng nga pra hpe tsaw ra let hkye hkrang la ai lam,
kabu gara shi ga hpe masha shagu hpe na shangun mayu ai.
(10).Anhte ni Karai Kasang kaw na hprawng lawt lu na lam n nga ai.Anhte kanang de sa
ai mung anhte hpa galaw ai hpe mung,Karai Kasang gaw mu chye ai majaw rai nga
ai.
(11).Karai Kasang galaw shangun ai hpe,n galaw ai rai yang,anhte ni jeyang hkrum na rai
nga ai.
(12).Anhte a asak hkrung lam hta tawn da ya ai,Karai Kasang a sharawng awng ai lam
hpe madat mara hkan sa na matu,lahkawng lang ngu ai ahkaw ahkang (chance)hpe
jaw na matu,galoi mung jin nga ai.

Karai Kasang Ra Ai Hpa rai nga ai hpe,shani shagu na sak hkrung lam hta tam sawk let,anhte yawng teng man ai the sak hkrung nga ga law.

Tsawra tsawra

MALAYSIA KACHIN BAPTIST CHURCH

Nhtoi : 25/2/2007
Aten : 2:00pm-3:30pm
Mungga : Rev. Pausa Gam Hpang
Shara : Bethel Baptist Church
Kuala Lumpur,Malaysia.

Tsawra Tsawra --1Yawhan 4 :7-21

Dai ni Mungkan hta tsawra myit lam amyu myu nga ai,dai tsawra myit yawng hta Karai Kasang a tsawra myit gaw kaba dik ai tsawra myit rai nga ai,Karai Kasang gaw tsawra myit rai nga ai,dai tsawra myit gaw lam shagu hpe jahkum shatsup ya let ngwi pyaw ai lam hpe jaw ya lu ai.

Karai Kasang hpe kaja wa kam sham tsawra ai majaw lu la ai chyeju ni

(1).Karai Kasang a matsan dum lama ai hpe hkam la lu ai. (Pru 20:6)
(2).Karai Kasang a bausin makawp maga ai hpe hkam la lu ai. (Shakawn 91:14)
(3).Karai Kasang a shaman chyeju hpe hkam la lu ai. (Tara 11:13-15)
(4).Mungdan hpe Sali wunli jaw ai. (Yaku 2:5)
(5).Asak jan mau jaw ai. (Yaku 1:12)

Tsawra ai lam hta arang bang ra nga ai,Karai Kasang gaw shi a kasha hpe jaw kau ai kaw du hkra arang bang ai the mungkan ga hpe tsawra nga ai lam hpe hkawn tsun dan sai.
Yawng Karai wa a tsawra myit hpe hkam la lu mu ga law.

Hpung Komiti (MKBC)